返回列表 回復 發帖

[後記] 10-08-20~22 我的三天之旅(澳門) 更新 #30, 48

本帖最後由 雨C 於 26-8-2010 08:53 編輯

本來都冇諗著寫後記架,  但係呢三日睇仔實在睇得太開心, 所以決定寫少少嘢嚟同大家分享.

第一天

第一日匆匆忙忙咁趕去馬交諗著捕仔, 但係又唔知個仔喺邊度喎. 冇理由喺酒店呆坐等佢架??  又唔知佢幾時返??  所以就同幾個千姑去咗食飯同行街街喇.  行行下突然收到個千姑電話話阿仔好似喺某個旅遊境點拍緊戲喎???  哇~~~~發大達喇, 有理冇理都打的趕去探下路先啦.  雖然個千姑都話到明唔好抱咁大嘅期望.  唔好諗著會見到個仔.    唔理咯, 見唔到都叫做盡過力吖嘛.

去到現場之後發覺原來都幾編癖下,  但係聽聞係有穿梭巴士架喎, 咁啱見到有架巴士停喺度, 梗係問清楚幾點有車先啦.  容乜易一陣間冇車走架.  咁我咪走埋去問個司機幾點一班車囉.

我 : 阿哥呀, 請問最後一班車幾點開架??

司機 : 我呢架車唔係巴士嚟架, 拍戲用架.

我 : (個心開始加速跳動, 似乎冇揾錯地方喎.  嘻 嘻~~~) 乜呢度有人拍戲呀??  

司機 : 阿 Rain 吖嘛!!!

我 : 哦~~~~~~~(做出一個好迷茫嘅表情)      邊個阿 Rain 呀??   (完全喺度扮無知.   阿仔唔好怪我呀, 我都唔想架.  呵~~~~)

跟著我就撐著把遮, 扮晒遊客咁四週圍望喇.  一行入目的地就見到王子著著黑色背心, 軍綠色卡其褲, 白色波鞋遊遊閒閒咁伸長一隻腳坐喺樓梯度, 重有宮女喺度幫佢撥扇乘涼, 鬼咁舒服.  差唔多到佢拍嘅時候, 佢就企起身等埋位.  可能因為天氣太熱, 佢拿高件背心撥涼. 搞到我雙眼噴火, 口鼻噴血~~~~ 但係我點都要忍著, 唔可以尖叫出聲, 因為一叫就會畀人發現我唔係一個普通遊客, 而係為阿 Rain 而嚟.  所以我都忍得幾辛苦下架.  kakakaka~~~~~~~~

嘿嘿~~~終於到阿仔出場喇.  阿仔趴喺樓梯度, 頭下腳上, 伸展四支喺度大叫一聲 : 呀~~~~~~  我差啲忍唔著笑咗出嚟, 好彩掩嘴掩得快啫, 唔係就閉家火喇.  佢拍呢下動作都拍咗成十次個導演先收貨.  一拍完呢阿仔就走咗入啲陰涼嘅地方坐嚟度, 即時又有宮女埋嚟幫王子撥扇喇.  阿仔拍完呢個鏡頭就有其他人喺度排下一個鏡頭, 咁我就襯呢段時間週圍行下, 後來揾到個有利位置. 我可以睇到仔時亦唔會阻礙拍攝.

阿仔由樓梯打到去地下, 再由地下打上平台.  雖然只不過係幾個鏡頭, 但係已經打咗成日.  可能只係兩三分鐘嘅鏡頭, 原來佢哋已經用咗一日時間去拍攝, 真係每一下動作都有血有汗.  有個臨時演員, 我去到嘅時候本來係一隻白皮猪, 到我走嘅時候都晒到變燒猪.  好彩我哋嘅王子唔使排戲, 唔係由朝晒到晚都幾係嘢.  但係阿仔經過咁多日嘅拍攝, 都已經晒到黑嘛嘛.  同我上次見時相差好遠.  有一件事真係要讚下我哋嘅王子, 我發覺阿仔真係好聰明, 學習能力好強勁, 每下動作只要個武指示範一次, 阿仔就已經可以好流輰咁做出嚟.  你都咪話唔厲害~~~~~

我睇咗大約兩個鐘頭,  因為怕冇車走所以就打道回府.  返到去酒店又見到其他千姑, 咁我哋又一齊傾下偈, 講下今日嘅追仔經歷.  大約六點鐘就見到阿仔嘅車返酒店喇.  因為唔想令阿仔為難, 所以我同兩位千姑就好似普通人望明星咁, 望咗幾眼, 冇咩特別表情.  阿仔入門口嘅時候都有望我哋呢邊,  但見我哋冇咩表情就直行直過嚕.  我哋亦冇追著佢.  唔想阻著王子返房休息.

待續...........................
橫風狂三月暮, 門掩黃昏, 時時留비住 。

海蕩漾全年朝, 窗吐晨光, 日日待비來。

雨雲之家千秋萬載, 來。

好精彩既後記

等你再寫中集....下集....
E~ 雨娘竟然有後記. 真係要睇真D先得
항상 비느님 곁에
祝BiBi繼續精靈可愛,身體健康, 遠離小人, 順順利利. 成世多福! 旺! 旺! 旺!
[[[[[[[[[[我 : 阿哥呀, 請問最後一班車幾點開架??
司機 : 我呢架車唔係巴士嚟架, 拍戲用架.]]]]]]]]]]]]

我係妳隔離聽到啦..........扮哂冇野........
重偷笑TIM
很心急,快d 下集...
好好睇啊, 令人回味


~The moment you step into my life, I trapped in your soul.  I know, there is no way out till’ the day I die~
本帖最後由 nycuckoo 於 24-8-2010 10:06 編輯

好精彩, 好生動,我好似跟在你後面和你一齊行...
才女即係才女...
好精彩既後記   
雨娘, bali bali 趕工
成村人等緊你呀~~~~~~~~   
轉貼請註明 ☆ www.raincloudhk.com
本帖最後由 anissa 於 24-8-2010 10:16 編輯

嘿嘿~~~終於到阿仔出場喇.  阿仔趴喺樓梯度, 頭下腳上, 伸展四支喺度大叫一聲 : 呀~~~~~~  我差啲忍唔著笑咗出嚟,
雨C...你忍到笑咩,我忍唔到喎
阿仔第一次大叫嗰時,有個工作人員背住阿仔面向我個方向,一路行一路拉地下嘅電線,佢都忍唔住同撥緊扇嘅我一齊笑咗出嚟喎,個工作人員個樣笑得好得意架,因為要忍又忍唔住笑嘛
之後再拍嗰幾次...我先忍住唔再笑咋
阿仔真係好可愛架,佢拍完第一個take有扮鬼臉架
JUST FOR YOU
哇~ 不淡定了!很鸡冻的说..嘎嘎~ 期待续集哦..
好精彩既後記

等你再寫中集....下集....
shelley 發表於 24-8-2010 09:51
me too!!!!!
我 : 哦~~~~~~~(做出一個好迷茫嘅表情)      邊個阿 Rain 呀??   (完全喺度扮無知.   阿仔唔好怪我呀, 我都唔想架.  呵~~~~)

我個日聽完雨C講
都笑到標眼水
雨C
雲雨又可再相聚
我 : 哦~~~~~~~(做出一個好迷茫嘅表情)      邊個阿 Rain 呀??   (完全喺度扮無知.   阿仔唔好怪我呀, 我都唔想架.  呵~~~~)

我個日聽完雨C講
都笑到標眼水
雨C ...
雨薰薰 發表於 24-8-2010 10:48
雨C 佢真係可以做皇牌老臨架!
哈哈...太可愛了...
白豬變燒豬
期待下回分解...
Rain is perfect from head to toe
写的好可爱,
期待第二,第三天的后记
好精彩, 好生動,我好似跟在你後面和你一齊行...
nycuckoo 發表於 24-8-2010 10:04
我本來想形容多啲阿仔嘅動作架, 但係我驚我形容得太仔細, 講咗啲劇情出嚟.  

一套咁精彩嘅劇集, 緊係留番嚟自己親眼睇好啲啦.
橫風狂三月暮, 門掩黃昏, 時時留비住 。

海蕩漾全年朝, 窗吐晨光, 日日待비來。

雨雲之家千秋萬載, 來。

雨C 佢真係可以做皇牌老臨架!
yswong 發表於 24-8-2010 11:10
嘿嘿  唔揾我做老臨, 簡直係套劇嘅損失.
橫風狂三月暮, 門掩黃昏, 時時留비住 。

海蕩漾全年朝, 窗吐晨光, 日日待비來。

雨雲之家千秋萬載, 來。

多謝雨C既後記,形容得好生動,如罝身現場,期待中,下集...........
好多讀者喔..............
有一件事真係要讚下我哋嘅王子, 我發覺阿仔真係好聰明, 學習能力好強勁, 每下動作只要個武指示範一次, 阿仔就已經可以好流輰咁做出嚟.  你都咪話唔厲害~~~~~
-----------------------------------------------------------------------------------------------------------------------
喜欢看他的好身手!!
《忍者刺客》的武指也称赞他学得快,后来增加了动作难度,使电影更精彩!!
返回列表