Board logo

標題: [後記] 10-08-20~22 我的三天之旅(澳門) 更新 #30, 48 [打印本頁]

作者: 雨C    時間: 24-8-2010 09:43     標題: [後記] 10-08-20~22 我的三天之旅(澳門) 更新 #30, 48

本帖最後由 雨C 於 26-8-2010 08:53 編輯

本來都冇諗著寫後記架,  但係呢三日睇仔實在睇得太開心, 所以決定寫少少嘢嚟同大家分享.

第一天

第一日匆匆忙忙咁趕去馬交諗著捕仔, 但係又唔知個仔喺邊度喎. 冇理由喺酒店呆坐等佢架??  又唔知佢幾時返??  所以就同幾個千姑去咗食飯同行街街喇.  行行下突然收到個千姑電話話阿仔好似喺某個旅遊境點拍緊戲喎???  哇~~~~發大達喇, 有理冇理都打的趕去探下路先啦.  雖然個千姑都話到明唔好抱咁大嘅期望.  唔好諗著會見到個仔.    唔理咯, 見唔到都叫做盡過力吖嘛.

去到現場之後發覺原來都幾編癖下,  但係聽聞係有穿梭巴士架喎, 咁啱見到有架巴士停喺度, 梗係問清楚幾點有車先啦.  容乜易一陣間冇車走架.  咁我咪走埋去問個司機幾點一班車囉.

我 : 阿哥呀, 請問最後一班車幾點開架??

司機 : 我呢架車唔係巴士嚟架, 拍戲用架.

我 : (個心開始加速跳動, 似乎冇揾錯地方喎.  嘻 嘻~~~) 乜呢度有人拍戲呀??  

司機 : 阿 Rain 吖嘛!!!

我 : 哦~~~~~~~(做出一個好迷茫嘅表情)      邊個阿 Rain 呀??   (完全喺度扮無知.   阿仔唔好怪我呀, 我都唔想架.  呵~~~~)

跟著我就撐著把遮, 扮晒遊客咁四週圍望喇.  一行入目的地就見到王子著著黑色背心, 軍綠色卡其褲, 白色波鞋遊遊閒閒咁伸長一隻腳坐喺樓梯度, 重有宮女喺度幫佢撥扇乘涼, 鬼咁舒服.  差唔多到佢拍嘅時候, 佢就企起身等埋位.  可能因為天氣太熱, 佢拿高件背心撥涼. 搞到我雙眼噴火, 口鼻噴血~~~~ 但係我點都要忍著, 唔可以尖叫出聲, 因為一叫就會畀人發現我唔係一個普通遊客, 而係為阿 Rain 而嚟.  所以我都忍得幾辛苦下架.  kakakaka~~~~~~~~

嘿嘿~~~終於到阿仔出場喇.  阿仔趴喺樓梯度, 頭下腳上, 伸展四支喺度大叫一聲 : 呀~~~~~~  我差啲忍唔著笑咗出嚟, 好彩掩嘴掩得快啫, 唔係就閉家火喇.  佢拍呢下動作都拍咗成十次個導演先收貨.  一拍完呢阿仔就走咗入啲陰涼嘅地方坐嚟度, 即時又有宮女埋嚟幫王子撥扇喇.  阿仔拍完呢個鏡頭就有其他人喺度排下一個鏡頭, 咁我就襯呢段時間週圍行下, 後來揾到個有利位置. 我可以睇到仔時亦唔會阻礙拍攝.

阿仔由樓梯打到去地下, 再由地下打上平台.  雖然只不過係幾個鏡頭, 但係已經打咗成日.  可能只係兩三分鐘嘅鏡頭, 原來佢哋已經用咗一日時間去拍攝, 真係每一下動作都有血有汗.  有個臨時演員, 我去到嘅時候本來係一隻白皮猪, 到我走嘅時候都晒到變燒猪.  好彩我哋嘅王子唔使排戲, 唔係由朝晒到晚都幾係嘢.  但係阿仔經過咁多日嘅拍攝, 都已經晒到黑嘛嘛.  同我上次見時相差好遠.  有一件事真係要讚下我哋嘅王子, 我發覺阿仔真係好聰明, 學習能力好強勁, 每下動作只要個武指示範一次, 阿仔就已經可以好流輰咁做出嚟.  你都咪話唔厲害~~~~~

我睇咗大約兩個鐘頭,  因為怕冇車走所以就打道回府.  返到去酒店又見到其他千姑, 咁我哋又一齊傾下偈, 講下今日嘅追仔經歷.  大約六點鐘就見到阿仔嘅車返酒店喇.  因為唔想令阿仔為難, 所以我同兩位千姑就好似普通人望明星咁, 望咗幾眼, 冇咩特別表情.  阿仔入門口嘅時候都有望我哋呢邊,  但見我哋冇咩表情就直行直過嚕.  我哋亦冇追著佢.  唔想阻著王子返房休息.

待續...........................
作者: shelley    時間: 24-8-2010 09:51

好精彩既後記

等你再寫中集....下集....
作者: scorpiola    時間: 24-8-2010 09:59

E~ 雨娘竟然有後記. 真係要睇真D先得
作者: RainLi    時間: 24-8-2010 10:00

[[[[[[[[[[我 : 阿哥呀, 請問最後一班車幾點開架??
司機 : 我呢架車唔係巴士嚟架, 拍戲用架.]]]]]]]]]]]]

我係妳隔離聽到啦..........扮哂冇野........
重偷笑TIM
作者: cakecake10    時間: 24-8-2010 10:01

很心急,快d 下集...
作者: Oxygen    時間: 24-8-2010 10:02

好好睇啊, 令人回味
作者: nycuckoo    時間: 24-8-2010 10:04

本帖最後由 nycuckoo 於 24-8-2010 10:06 編輯

好精彩, 好生動,我好似跟在你後面和你一齊行...
作者: karman    時間: 24-8-2010 10:04

才女即係才女...
好精彩既後記   
雨娘, bali bali 趕工
成村人等緊你呀~~~~~~~~   
作者: anissa    時間: 24-8-2010 10:15

本帖最後由 anissa 於 24-8-2010 10:16 編輯

嘿嘿~~~終於到阿仔出場喇.  阿仔趴喺樓梯度, 頭下腳上, 伸展四支喺度大叫一聲 : 呀~~~~~~  我差啲忍唔著笑咗出嚟,
雨C...你忍到笑咩,我忍唔到喎
阿仔第一次大叫嗰時,有個工作人員背住阿仔面向我個方向,一路行一路拉地下嘅電線,佢都忍唔住同撥緊扇嘅我一齊笑咗出嚟喎,個工作人員個樣笑得好得意架,因為要忍又忍唔住笑嘛
之後再拍嗰幾次...我先忍住唔再笑咋
阿仔真係好可愛架,佢拍完第一個take有扮鬼臉架
作者: rosebibi    時間: 24-8-2010 10:17

哇~ 不淡定了!很鸡冻的说..嘎嘎~ 期待续集哦..
作者: 老民    時間: 24-8-2010 10:25

好精彩既後記

等你再寫中集....下集....
shelley 發表於 24-8-2010 09:51
me too!!!!!
作者: 雨薰薰    時間: 24-8-2010 10:48

我 : 哦~~~~~~~(做出一個好迷茫嘅表情)      邊個阿 Rain 呀??   (完全喺度扮無知.   阿仔唔好怪我呀, 我都唔想架.  呵~~~~)

我個日聽完雨C講
都笑到標眼水
雨C
作者: yswong    時間: 24-8-2010 11:10

我 : 哦~~~~~~~(做出一個好迷茫嘅表情)      邊個阿 Rain 呀??   (完全喺度扮無知.   阿仔唔好怪我呀, 我都唔想架.  呵~~~~)

我個日聽完雨C講
都笑到標眼水
雨C ...
雨薰薰 發表於 24-8-2010 10:48
雨C 佢真係可以做皇牌老臨架!
作者: sherrysss    時間: 24-8-2010 11:20

哈哈...太可愛了...
白豬變燒豬
期待下回分解...
作者: ruixue    時間: 24-8-2010 12:50

写的好可爱,
期待第二,第三天的后记
作者: 雨C    時間: 24-8-2010 13:09

好精彩, 好生動,我好似跟在你後面和你一齊行...
nycuckoo 發表於 24-8-2010 10:04
我本來想形容多啲阿仔嘅動作架, 但係我驚我形容得太仔細, 講咗啲劇情出嚟.  

一套咁精彩嘅劇集, 緊係留番嚟自己親眼睇好啲啦.
作者: 雨C    時間: 24-8-2010 13:11

雨C 佢真係可以做皇牌老臨架!
yswong 發表於 24-8-2010 11:10
嘿嘿  唔揾我做老臨, 簡直係套劇嘅損失.
作者: yvonne    時間: 24-8-2010 13:48

多謝雨C既後記,形容得好生動,如罝身現場,期待中,下集...........
作者: RainLi    時間: 24-8-2010 13:49

好多讀者喔..............
作者: aiyufeiyan    時間: 24-8-2010 14:24

有一件事真係要讚下我哋嘅王子, 我發覺阿仔真係好聰明, 學習能力好強勁, 每下動作只要個武指示範一次, 阿仔就已經可以好流輰咁做出嚟.  你都咪話唔厲害~~~~~
-----------------------------------------------------------------------------------------------------------------------
喜欢看他的好身手!!
《忍者刺客》的武指也称赞他学得快,后来增加了动作难度,使电影更精彩!!
作者: aiyufeiyan    時間: 24-8-2010 14:28

期待雨C美妙的续集
作者: skshirley    時間: 24-8-2010 14:58

雨c 真係好嘢 ! 我好似在現場一樣, 想唔笑都幾難.
作者: abcann    時間: 24-8-2010 15:32

Oh !!! your report is always funny, looking forward balance !!!
作者: paulinehpw    時間: 24-8-2010 17:24

嘩...雨娘...妳呢期好紅下喎...
作者: eva1602    時間: 24-8-2010 19:41

本帖最後由 eva1602 於 24-8-2010 23:39 編輯

咦...乜你個日咁講咩,我聽唔到添,如果唔係我實忍唔住笑咗出黎
你走咗之後,我哋仲未走喎寫唔寫後記好呢不過好多細節我都唔記喎
作者: Ruth1212    時間: 24-8-2010 20:10

好羨慕你可以睇到bibi拍戲
作者: win1234    時間: 24-8-2010 20:28

我個日聽才女講翻個經歷都笑s屎左.
作者: viwawa    時間: 24-8-2010 21:22

Rain唔單止係專業演員
就連佢既fans都係專業演員
真係好勁呀你!
作者: zheng1605    時間: 25-8-2010 02:48

thanks for funny report
sigh~really sad finally no plan to film at HK
作者: 雨C    時間: 25-8-2010 08:39

第二天

第二日, 完全係一個 bonus, 跟本冇諗過會再見到阿仔.  我呢日係瞓到自然醒, 然後就同班千姑去咗食早餐, 之後重諗著去睇天幕表演同埋去威尼斯人度行下,  我哋攞咗表演嘅飛, 然後就週圍行下, 坐下, 消磨時間.  到差唔多入場嘅時候, 突然又收到消息話阿仔喺某地方拍攝,   呢次嘅拍攝場地唔係咩旅遊勝地, 而係一個墳場.  哈 哈~~~ 墳場喎, 我驚驚架喎??!!  唔理喇, 雨神力量大過天, 照去可也.  最好笑就係有個千姑問 : 咁我哋去睇表演定睇仔呀??  我哋一齊大叫 : 緊係睇仔啦!!!  重使問嘅.

咁我哋又飛的去拍攝場哋喇, 上咗車個司機問我哋~~~~~~

司機 : 邊個墳場呀??  

我哋 :(驚愕中)   吓???!!!!  乜有好多墳場架????   

司機 : 成個山頭都係喎, 你究竟去邊忽呀???

我哋 : MUM............. 去咗先啦, 邊忽似就去邊忽啦.

咁個司機就車咗我哋幾朵茂盛嘅梨花去咗某個墳場入口.

我哋 : 噫??!!  到咗喇??  咁靜英英嘅??  唔多似喎??  (實在太多問號)

好彩我哋遇到個好好嘅的士司機, 佢叫我哋唔好落車著, 再車我哋一路揾, 一路揾, 終於揾到我哋想去嘅目的地.  

我行咗幾步樓梯度就見到一個 "引人入性" 嘅背影企喺度喇.  呵 呵~~~~好一幅美麗嘅圖畫呀.  搞到我流晒口水, 路都唔識行添. 好彩我冇差錯腳碌落樓梯啫, 唔係就見紅喇.  嘿嘿~~~~
咪著~~~~如果係碌落阿仔嘅腳邊, 咁就另作別論, 跌死都抵啦. 呵呵~~~~~~

阿仔呢次係著著件白色背心, 淺藍色牛仔褲.  因為阿仔嘅上半身實在太吸引, 佢著咩鞋我就冇留意到喇.  為咗唔好阻礙拍攝, 哦哋就喺啲墳墓度左穿右插, 揾啲墓碑遮遮掩掩.  後來睇真啲, 原來成個山頭都係 "雲". 雲頭湧湧, 直頭可以同香港馬騮山嘅馬騮睇齊.  最搞笑就係有個千姑嘅老公搭的士上山揾老婆, 個司機同佢講 : 我十年都唔上嚟一次, 但係今日就上咗嚟三次, 而且次次都係香港女人,  究竟上面有搞咩花臣呀??  哈 哈~~~~~ 可惜我唔喺度, 如果我喺度, 我一定會答 : 成班女人咪上去朝聖, 朝拜雨神囉.  哈~~~~~~~

哇, 阿仔呢次就辛苦過噚日嚕,  因為拍攝場地冇咩地方遮蔭, 只係有一棵樹仔, 雖然未到阿仔出場嘅時候阿仔都會喺樹蔭度唞下,  亦有人幫佢撐傘遮下太陽.  但阿仔今日係拍打戲, 而且呢次重要由主角親自排戲, 所以佢都冇咩機會休息, 佢同其他臨記一樣晒足全場.   當排戲嘅時候, 因為天氣實在太熱, 所以阿仔連背心都除埋, 三點畢露 (唔好心邪呀, 我指嘅第三點係肚臍嚟咋).  你都咪話, 今日真係熱到爆, 我齋企係樹蔭之下, 郁都唔郁, 都可以搞到汗流浹背.  何況阿仔要打到飛起??  畀著我??  連皮都想剝呀.

阿仔呢次打得非常落力, 佢帶著隻手銬, 又飛掙, 又踢腿,  一個打十個, 拳拳到肉, 睇見都肉緊呀!!!  後來因為個導演想影個墳場全境, 所以有工作人員叫我哋行開一陣, 拍完全境之後會通知我哋出去繼續欣賞王子嘅精彩演出.  你知啦, 我哋係一群乖巧嘅 "雲"嚟架嘛, 當然係二話不說就撤退啦, 啲工作人員亦好有口齒, 太約兩三分鏡後就通知我哋搞掂, 可以蒲頭繼續睇.  呵 呵~~~~我俊俏嘅王子呀, 我又嚟喇.  呵~~~~~~~

今日阿仔都係由頭打到落尾, 正式拍攝時就會著番件背心, 導演一嗌 cut 阿仔就嗱嗱林除晒啲衫, 肉光四射.  (嗱, 講明呀, 係衫咋, 佢條褲好貼貼服服咁黐住下半身架.)   呵呵~~~ 阿仔, 你阿娘我貧血架, 你想我暈係現場咩??  嘿嘿, 嘿嘿............

同噚日差唔多, 我睇咗太約兩個鐘之後就見到啲工作人員執嘢準備離開.  我哋王子就走入涼亭乘涼, 等到咁上下就行上嚟準備閃人喇,  咁我就企喺度睇著阿仔迎面而嚟, 阿仔嘅影像喺我眼中放大, 放大, 再放大.  越嚟越近, 直至喺我面前經過. (啊~~~~仔呀!!  你可唔可以唔好咁靚仔呀?? )  佢喺上車前停一停, 向啲 fans 揮手道別, 上咗車之後都繼續揮手.  我就係咁望著阿仔架車離開.  
bye, bye 喇阿仔,  希望我哋有綠再見啦.

待續......................

~~~~追仔翻外編~~~~

講番啲題外話先, 話說喺我哋等車走嘅期間, 有個墳場嘅員工問咗我少少問題 :

員工甲 : 頭先嗰個係咪阿 Rain 呀??

我 : 係呀.

員工甲 : 我都覺得佢好熟面口, 完來真係佢.   我聽講佢好受女人歡迎架喎??

我 : 你見到連墳場都有咁多女人追到嚟就知啦.

員工乙 : (搭訕)  阿 Rain 好勁架??

員工甲 : 韓國明星嚟架, 喺香港重紅呀.

我 : (好大聲咁答) 係呀,  係呀, 佢好紅好勁架.
作者: jolinwng    時間: 25-8-2010 08:53

雨娘, 睇番你段後記, 又諗番記個日既事, 真係無諗過農曆七月會去墳場,
我地担住遮, 撥住扇都熱到想死, 難為阿仔要拍動作戲, 就算有 幾個宮女幫佢扇風, 都覺得佢好辛苦,
班動作演員更慘, 全身貼肉黑色, 好驚佢佢中暑.

我行一行落去, 再行番上黎, 副老骨頭差D散,  幾鬼辛苦, 阿仔拍咗幾個鐘, 係下面行番上黎, 仲係健步如飛, 年輕真係好.
作者: anissa    時間: 25-8-2010 09:42

第二天

最好笑就係有個千姑問 : 咁我哋去睇表演定睇仔呀??  我哋一齊大叫 : 緊係睇仔啦!!!  重使問嘅.
雨C 發表於 25-8-2010 08:39
問你地個千姑之唔係我囉....好笑咩
為你地好咋...因為始終係舊曆七月,聽見要去墳場,我地又唔係地頭蟲,當然要問一問啦,唔多老黎架嘛

知唔知你地嗰日對嗰度嘅住客幾不敬呀,個個都掛住向下望睇仔,用個背脊得住D住客不特止,
又惊個鏡頭影到自己,要烏低身趷高個patpat左裝右裝~~
我諗d住客都會話未見過咁多大大小小嘅八月十五係自己面前忽左忽右,忽高忽低,簡直係奇景呀   

我有同d住客話唔好意思,打搞哂架
總之為咗阿仔,我地乜都夠胆s架囉
作者: RainLi    時間: 25-8-2010 10:32

第二天

第二日, 完全係一個 bonus, 跟本冇諗過會再見到阿仔.  我呢日係瞓到自然醒, 然後就同班千姑去咗食早餐, 之後重諗著去睇天幕表演同埋去威尼斯人度行下,  我哋攞咗表演嘅飛, 然後就週圍行下, 坐下, 消磨時間.  ...
雨C 發表於 25-8-2010 08:39
我係公司偷睇妳0既文章時候..................差D笑左出黎~~~
妳寫得好搞笑.........第二日雖然我冇跟住妳地去...........
不過而家有得睇文章補返..........

妳地之後重有冇捕雨計劃...............
預埋我呀........

(PS: 妳知唔知我係邊個呀???)
作者: cakecake10    時間: 25-8-2010 10:52

好好笑, 有趣文筆, 多謝樓主..還有澳門的士一千部, 我們與同一司機二次, 連佢都知是皇子去馬交.
作者: anissa    時間: 25-8-2010 11:24

(PS: 妳知唔知我係邊個呀???)

RainLi 發表於 25-8-2010 10:32
靚女,叫你地都唔捨得走,點會唔知你係邊個呀
有緣就見啦
作者: Audy    時間: 25-8-2010 12:22

雨C.

睇完你D後記 ,恍忽身臨其境 ,

吸引 ,有趣  ,你們好幸福呵
作者: carolsing    時間: 25-8-2010 12:25

32# anissa

你实在太幽默啦,。
真是比你笑死
作者: 雨C    時間: 25-8-2010 12:33

雨娘, 睇番你段後記, 又諗番記個日既事, 真係無諗過農曆七月會去墳場,
我地担住遮, 撥住扇都熱到想死, 難為阿仔要拍動作戲, 就算有 幾個宮女幫佢扇風, 都覺得佢好辛苦,
班動作演員更慘, 全身貼肉黑色, 好驚佢佢中暑 ...
jolinwng 發表於 25-8-2010 08:53
所以呢次我唔可以再扮遊客嚕, 我諗都冇乜遊客會去墳場觀光喇啩??
作者: 雨C    時間: 25-8-2010 12:35

問你地個千姑之唔係我囉....好笑咩
為你地好咋...因為始終係舊曆七月,聽見要去墳場,我地又唔係地頭蟲,當然要問一問啦,唔多老黎架嘛

知唔知你地嗰日對嗰度嘅住客幾不敬呀,個個都掛住向下望睇仔,用個背 ...
anissa 發表於 25-8-2010 09:42
有雨神照著, 我諗唔怕啩??  況且我都好有禮貌講唔好意思架.
作者: rain-ella    時間: 25-8-2010 13:23

實在太搞笑啦寫得!!!
又令我重溫孝思嘅果個下午。。。
好掛住佢啊依家。。。
作者: ruixue    時間: 25-8-2010 14:47

写的好搞笑又温馨
期待第三部!
作者: jolinwng    時間: 25-8-2010 14:47

問你地個千姑之唔係我囉....好笑咩
為你地好咋...因為始終係舊曆七月,聽見要去墳場,我地又唔係地頭蟲,當然要問一問啦,唔多老黎架嘛

知唔知你地嗰日對嗰度嘅住客幾不敬呀,個個都掛住向下望睇仔,用個背 ...
anissa 發表於 25-8-2010 09:42
呢樣野我一d都唔驚, 我讀書個時年年考 PE都要跑墳場,
作者: RainLi    時間: 25-8-2010 15:35

靚女,叫你地都唔捨得走,點會唔知你係邊個呀
有緣就見啦
anissa 發表於 25-8-2010 11:24
anissa ........我驚妳會將我同潮媽撈亂..........因為我地都叫.........eva
妳好有可能認錯我地架..........
所以我點會要問下妳lor...........
作者: eva1602    時間: 25-8-2010 22:24

第二天

第二日, 完全係一個 bonus, 跟本冇諗過會再見到阿仔.  我呢日係瞓到自然醒, 然後就同班千姑去咗食早餐, 之後重諗著去睇天幕表演同埋去威尼斯人度行下,  我哋攞咗表演嘅飛, 然後就週圍行下, 坐下, 消磨時間.  ...
雨C 發表於 25-8-2010 08:39
睇到你呢篇後記,好似身歷其境咁
真係好攪笑呀
如果我係現場就好啦
作者: anissa    時間: 25-8-2010 22:30

anissa ........我驚妳會將我同潮媽撈亂..........因為我地都叫.........eva
妳好有可能認錯我地架..........
所以我點會要問下妳lor...........
RainLi 發表於 25-8-2010 15:35
咁你地記住下次都係三位一體咁出現啦喎,就一定唔會錯喇   
2個Eva+1個Ki
作者: eva1602    時間: 25-8-2010 23:54

咁你地記住下次都係三位一體咁出現啦喎,就一定唔會錯喇   
2個Eva+1個Ki
anissa 發表於 25-8-2010 22:30
我諗你地應該唔會撈亂
一個咁肥,一個咁瘦
作者: paulinelam    時間: 26-8-2010 00:33

好羡慕你地呀~
你扮遊客呢招真係掂喎
作者: 雨C    時間: 26-8-2010 08:53

第三天

第三日, 亦都係最後一日.  因為喺第二日追仔追得太開心, 所以夜晚約埋班千姑講下追仔心得. 點知越傾越興奮, 個個都唔捨得瞓.  諗著~~~冇所謂啦, 橫掂聽日都冇乜特別嘢搞.  可以瞓到十一點幾先起身, 然後順便 check out, 再出去食嘢行街.  諗得幾咁完美呀!!!   所以我嗰日好早瞓吖, 早到喺朝頭早五點幾先瞓覺!!!  瞓到矇矇矓矓之中, 有電話响喎.  吓??!!  好似啱啱笪落床咋喎, 乜咁快十一點幾喇??  跟著聽到千姑講, 阿仔出咗車喇, 我哋去唔去睇仔呀??  我聽到即時彈起身, 但又忍唔著笪番落張床度再瞓過.   啊!!!  我唔聽話嘅身軀呀!!!  跟著問個千姑而家幾點??   佢話八點幾.  啊~~~雨神賜我力量.  再用意志力彈起身, 然後匆匆忙忙咁擦牙洗面, 執番晒啲眼耳口鼻,  跟著就裙拉褲甩咁出發喇.  點知喺出發之前再收到消息話阿仔已經拍完走咗.  (唉, 當堂謝晒)  喺無奈之中唯有提早出去食嘢,  咁我哋成班千姑就搭巴士出去喇.  喺搭巴士途中, 又收到消息話阿仔又再出現.  (衰仔, 連阿娘都玩??)  嘿嘿~~~ 重飲咩茶吖, 嗱嗱林轉車碌去現場啦.  好彩馬交細啫, 幾驚趕唔切呀.  阿仔~~~你要 "頂" 我呀!!!!  你 "頂" 埋我先好走呀!!!!

去到現場就見到好多 "雲" 已經捕晒喺度等仔.  八掛一問之下, 原來阿仔晨咁早已經喺度拍緊.  嘿嘿, 執輸行頭慘過敗家,  緊係即刻問清楚阿仔走咗未啦.  好彩, 原來重未走.  算你啦, "頂" 埋我先走.  唔係我就~~~~~~~~~~~.

都係嗰句啦, 為咗唔想阻礙拍攝, 所以我哋都好乖咁冇走上去同一層等, 喺下一層等就算喇.  (現場地方唔算大, 費事影咗我入鏡啦.  我咁靚, 容乜易畀個導演發現, 驚為天人咁就唔好啦. )  咁大約等咗十五分鐘到, 就見到阿仔出現喇,  本來啲工作人員帶咗阿仔行樓梯,  但阿仔行咗幾步就指著個電梯返轉頭搭電梯喇.  (唔知係咪因為啲 "雲" 喺電梯口等佢, 佢為咗畀我哋望多兩眼, 所以改搭電梯呢??  呵呵, 唔係都當係.  自我淘醉中.)

偷條片使下先.   當時嘅情形就係咁喇, 我都喺現場架,  不過我就冇影片同相, 所以要做賊, 我諗 MaggieS 唔會報警拉我啩??

http://www.raincloudhk.com/bbs/v ... &extra=page%3D1  

我呢啲老人家, 當然唔會追著個仔跑啦.  (唔係唔想, 而係力不從心.)  咁我就喺後面, 望著個仔慢慢行上車喇.  阿仔上咗車之後就坐咗喺入面個座位, 我唯有隔著塊玻璃偷偷看, 偷偷望.  跟著聽到個雲嗌 : 男二呀~~~~  吓??!!!  乜男二喺度咩???!!!  再望清楚, 係喎, 坐喺近車門嗰個就係男二喎, 佢幾時上咗車架.  乜解究我唔發覺架??  撞鬼, 人哋咁大件坐喺門口度, 又冇遮冇擋. 我竟然咁都見佢唔到, 寧願隔著塊玻璃裝我哋嘅王子.  冇計啦, 鬼叫雨神嘅魅力畀你強勁得多咩!!!  唔知佢見到有咁多 fans 追著阿仔會有咩感想呢???  冇幾耐, 阿仔架車就駛走咗喇.  我哋就圍埋一齊傾仔經啦.  傾傾下, 又見到阿仔架車返轉頭喎!!!  (咁驚嚇??!!  明明走咗重乜又返轉頭呀??)  當時有好多 fans 已經閃咗人. 得返寥寥幾朵 "雲" 喺度傾計咋喎!!!  後尾見到肥仔茖車, 伸手喺啲工作人員度攞件黑色皮褸.  哇!!!  唔係呀化???!!  咁大熱天時著皮褸???  焗桑拿咩??   唔係畀我個仔著架化??  (後來證實, 的確係阿仔嘅戲服之一,  見到都戥佢熱呀.)

追完仔之後, 大家都見肚餓, 所以齊齊去完成之前講好嘅行程~~~飲茶, 睇天幕表演, 同埋行威尼斯人.  講真, 呢次係我第一次正式踏足馬交呢, 咩地方都未去過, 淨係跟著個衰仔轉, 上山落山, 頭暈眼花.  喺排隊等睇表演期間~~~又收到消息話阿仔喺某迴旋處拍飛車追逐戲.  哈哈, 唔係阿化??  又會次次都咁啱嘅??  次次睇天幕之前阿仔都急 call 我嘅??  衰仔, 畀你玩晒啦.  但係我唔係一個貪心嘅人, 我同班千姑都覺得呢幾日睇仔都睇得好滿足喇. 雖然今朝見阿仔只係驚鴻一瞥, 但都足夠我哋再三回味.  所以成班千姑都決定繼續行程, 唔去追仔喇.  後來去某酒店 high tea 時 , 撞到去追仔嘅 "雲" 返嚟, 佢哋獻寶咁畀咗啲視頻我哋睇, 見到阿仔著著今朝嗰件黑色皮褸喺度拍追逐飛車戲份, 緊張又刺激.  不過咁大熱天時著成咁,  我都有啲怕佢中暑呢!!!

到最後, 我哋食咗一個豐富嘅雞鮑翅晚餐之後, 就準備返屋企.  呢三日嘅行程, 我都好開心. 但係臨走嘅一刻就有啲唔捨得, 好唔想走, 好想繼續留喺馬交度追仔.  鳴~~~~~~~~我唔制呀!!!!  我要追仔!!!!  我唔要返工!!!  我唔想返屋企!!!

~~~完~~~
作者: yswong    時間: 26-8-2010 10:09

本帖最後由 yswong 於 26-8-2010 10:41 編輯

雨娘, 好多謝你的後記, 上星期六,日我都同你一齊, 好在有你執筆,
甘大家都可以在你風趣的文筆之中, 令到大家有 or 沒有與你同行的千姑,
都感受到這幾天追 bibi 的經歷同心中所想.

仲有我聽到有千姑同去墳場的司機對話, 同大家分享一下,
B千姑正同朋友在電話中收緊料去目的,

B千姑 : 好的, 我知道喇! 我們在那裡等啦! (然後收線)
司機 : 小姐, 點解你會約朋友在那裡 (墳場) 見面架!

作者: ruixue    時間: 26-8-2010 10:13

精彩!我觉得真的要一起行动才有意思,一个人也不知道方向,茫茫然像无头苍蝇一样就死了,希望下次返家乡看演唱会有机会认识大家
作者: Rain★JiHoon    時間: 26-8-2010 13:51

第三天

都係嗰句啦, 為咗唔想阻礙拍攝, 所以我哋都好乖咁冇走上去同一層等, 喺下一層等就算喇.  (現場地方唔算大, 費事影咗我入鏡啦.  我咁靚, 容乜易畀個導演發現, 驚為天人咁就唔好啦. ) 雨C 發表於 26-8-2010 08:53
奶奶吖..."我咁靚"係C父用開架wor...你係"我更靚"先岩wor
作者: 雨C    時間: 26-8-2010 13:59

奶奶吖..."我咁靚"係C父用開架wor...你係"我更靚"先岩wor
Rain★JiHoon 發表於 26-8-2010 13:51
你師父又唔係度,  所以 “我咁靚” 同 “我更靚” 都係我.
作者: Rain★JiHoon    時間: 26-8-2010 14:02

你師父又唔係度,  所以 “我咁靚” 同 “我更靚” 都係我.
雨C 發表於 26-8-2010 13:59
係la係la...你最正la..咁得未....希望呢三日只係個上半場...過幾日既下半場可以更精彩la~~
作者: charlie11852    時間: 26-8-2010 16:01

thanks for a very detailed report......i was there as well.........saw Rain in his little white vest..........
作者: shelley    時間: 26-8-2010 16:17

呵呵~~~雨C既後記真係精彩
作者: luckychau    時間: 26-8-2010 17:24

咁個司機就車咗我哋幾朵茂盛嘅梨花去咗某個墳場入口
雨c, 我食緊涼粉係度睇你的後記, 睇到呢度差d噴左出黎
我好似有幸同你同車, tao你的光也變成茂盛嘅梨花
作者: luckychau    時間: 26-8-2010 17:29

問你地個千姑之唔係我囉....好笑咩
為你地好咋...因為始終係舊曆七月,聽見要去墳場,我地又唔係地頭蟲,當然要問一問啦,唔多老黎架嘛

知唔知你地嗰日對嗰度嘅住客幾不敬呀,個個都掛住向下望睇仔,用個背 ...
anissa 發表於 25-8-2010 09:42
我係個心入面有同佢地say sorry架
作者: korean    時間: 26-8-2010 22:17

有些資料要補充:-
聽d 早到的千話講, 原本好多云跟住亞 bi 到上層, 但劇組的工作人員勸諭, 叫 d 云唔好跟住上去, 阻礙拍攝, 但她們都不聽話, 最後亞 bi 認唔住叫 go down please, 咁樣情況才有改善, 不過那天早上鄭生全程都是黑面!
作者: jolinwng    時間: 26-8-2010 22:36

本帖最後由 jolinwng 於 26-8-2010 22:48 編輯
雨娘, 好多謝你的後記, 上星期六,日我都同你一齊, 好在有你執筆,
甘大家都可以在你風趣的文筆之中, 令到大家有 or 沒有與你同行的千姑,
都感受到這幾天追 bibi 的經歷同心中所想.

仲有我聽到有千姑同去墳場的司機對 ...
yswong 發表於 26-8-2010 10:09
我本來都寫咗少少, 見雨娘寫得咁精彩, 都係delete 左佢, 反正內容都係大同小異,
我自已最深刻印像就係同雨娘, catcat三個一齊企係酒店lobby, 向正大門條柱邊, 繑埋雙手, 扮晒路人咁望住阿仔落車, 推門入酒店, 個距離真係好近, 阿仔身邊得個肥仔助手, 我地三個仲要一D興奮既表情都無, 阿仔係咁易望咗我地一眼, 就斯斯然咁繼續行番入酒店. 唔知阿仔當時係咪諗緊, 我咁正, 點解呢三個女人一D反應都無, 唔通唔識我?
作者: Rain★JiHoon    時間: 26-8-2010 22:41

我本來都寫咗少少, 見雨娘寫得咁精彩, 都係delete 左佢, 反正內容都係大同小異,
我自已最深刻印像就係同雨娘, catcat三個一齊企係酒店lobby, 向正大門條柱邊, 繑埋雙手, 扮晒路人咁望住阿仔落車, 推門入酒店, 個 ...
jolinwng 發表於 26-8-2010 22:36
專業演員...皇牌老臨
作者: sasa2005    時間: 26-8-2010 22:55

奶奶吖..."我咁靚"係C父用開架wor...你係"我更靚"先岩wor
Rain★JiHoon 發表於 26-8-2010 13:51
妳師父真係無收錯徒弟!

我都想話佢師父上身!

下次佢哋見面就有排拗。。。。。我咁靚、我更靚。。。。。
作者: sasa2005    時間: 26-8-2010 22:58

掛住笑,唔記得咗講一樣好重要嘅嘢添。。。。雨娘,多謝妳!好令人回味啊!
作者: anissa    時間: 27-8-2010 09:28

專業演員...皇牌老臨
Rain★JiHoon 發表於 26-8-2010 22:41
係架......
第一日連個工作人員都當正我幾個係遊客,好耐心好有禮貌同我地講解,話唔好意思阻住我地添
佢問我地知唔知拍緊戲嘅係邊個,我地用D好疑惑嘅眼光互望唔出聲,其實個心已經狂叫緊"RAIN"~~
跟住佢話係"RAIN",我重要壓抑住自己D興奮...好平淡咁話:"啊...RAIN呀" (我覺得我好成功架 )
佢重同我地傾計傾咗好耐,原來佢係做part time 嘅,本身係韓國人,但响菲律賓生活,所以佢會跟劇組逃亡去菲律賓架...
接住嘅第二日,第三日都見番呢個工作人員,我唔敢比佢見到自己呢個遊客呀
作者: yswong    時間: 27-8-2010 09:39

係架...... 第一日連個工作人員都當正我幾個係遊客,好耐心好有禮貌同我地講解,話唔好意思阻住我地添 佢問我地知唔知拍緊戲嘅係邊個,我地用D好疑惑嘅眼光互望唔出聲,其實個心已經狂叫緊"RAIN"~ ...
anissa 發表於 27-8-2010 09:28
你講的工作人員是指那位翻譯哥哥仔嗎? 佢真係好好人架!
又肯幫我把曲奇餅交比肥仔助手, 我睇住肥仔拎住然後上車同bibi 離開碼頭,
希望 bibi 喜歡吃啦!
作者: 雨C    時間: 27-8-2010 09:41

你講的工作人員是指那位翻譯哥哥仔嗎? 佢真係好好人架!
又肯幫我把曲奇餅交比肥仔助手, 我睇住肥仔拎住然後上車同bibi 離開碼頭,
希望 bibi 喜歡吃啦! ...
yswong 發表於 27-8-2010 09:39
就係佢喇, 都唔知係佢唔好意思, 定係我哋唔好意思多啲.
作者: RainLi    時間: 27-8-2010 09:43

係架......
第一日連個工作人員都當正我幾個係遊客,好耐心好有禮貌同我地講解,話唔好意思阻住我地添
佢問我地知唔知拍緊戲嘅係邊個,我地用D好疑惑嘅眼光互望唔出聲,其實個心已經狂叫緊"RAIN"~ ...
anissa 發表於 27-8-2010 09:28
咁搞笑0既工作人員自己走埋搭訕嗎....??

妳都好鎮定下..........冇[捕露]身份喔..............
作者: RainLi    時間: 27-8-2010 09:45

就係佢喇, 都唔知係佢唔好意思, 定係我哋唔好意思多啲.
雨C 發表於 27-8-2010 09:41
妳地買cookies 比 bi 食呀~!~!~

我地 sunday 再戰馬交............都想買野食比bi wor.................
作者: yswong    時間: 27-8-2010 10:04

妳地買cookies 比 bi 食呀~!~!~
我地 sunday 再戰馬交............都想買野食比bi wor.................
RainLi 發表於 27-8-2010 09:45
上次我買左 Jenny cookie 比 bibi, 有 nuts 那款,
諗起都想食.
作者: anissa    時間: 27-8-2010 10:30

咁搞笑0既工作人員自己走埋搭訕嗎....??

妳都好鎮定下..........冇[捕露]身份喔..............
RainLi 發表於 27-8-2010 09:43
企定定睇阿仔拍嘢就唔係遊客啦
咁我第一次去嗰度嘛,應該要四周圍睇下嘅,我成間廟行哂,連樓上都睇埋啦
我係廟入面佢走埋嚟叫我唔好行出去住,拍攝緊,跟住就開始我地嘅吹水之旅啦
作者: anissa    時間: 27-8-2010 10:33

上次我買左 Jenny cookie 比 bibi, 有 nuts 那款,
諗起都想食.
yswong 發表於 27-8-2010 10:04
我D都食哂啦...得番2個吉罐係位....
YS WONG我又想食呀
作者: yswong    時間: 27-8-2010 11:26

我D都食哂啦...得番2個吉罐係位....
YS WONG我又想食
anissa 發表於 27-8-2010 10:33
我 "整" 比你食啦!
作者: anissa    時間: 27-8-2010 13:51

我 "整" 比你食啦!
yswong 發表於 27-8-2010 11:26
整...幾耐架........頂...得耐我唔制架    
bali 買比我食好過啦
作者: millennia    時間: 27-8-2010 13:53

謝謝雨c, 你呢幾篇後記真係寫得非常精彩, 好有畫面, 好好笑!
多謝你令我呢個lunch time過得咁開心~




歡迎光臨 RAINCLOUDHK ♥ Rain HK Fans Site ♥ (http://www.raincloudhk.com/bbs/) Powered by Discuz! 7.0.0